Dr diisjährigi Vereinsturntag het in Malans stattgfunda
Und das ganzi schu in da früha Morgastunda

Gstartet hets mit der Pendelstaffetta uf dr Rotabahn
Und am Rand dr grossi fähnendi Klan

Miar hend üses persönlicha Ziil erreicht
Und kai Fehler in da Übergabena braicht

Zeigt hemmer was möglich isch
Und as 8.37 legemer uf da Tisch

Es isch witter ganga am Barra
Isch nüt gsi mit Energii sparra

Jeda isch am drucka gsi
Und mit vollem Gaischt mitdabi

Ja d Stammturner hend gfählt
Sie hend für das Weekend d Gymnastrada gwählt

Nota as 9.23 hets geh
Was will ma do no meh

Zum Schluss het z Staiheba no überraschend alles übertroffa
Und a Nota 9.57 abgworfa

Will d Männer am Morga hend so viels versäumt
Het ma sich dia Nota kuum erträumt

Miar sind glich no mit 27.17 Pünkt vorna mit dabi
Aber z Podescht het hüt ni wella si….

Bericht: Angela Weber